ກຣົວຊີ ລົງນາມສັັ່ງຊື້ເຮລີກົບແຕ ລຸ້ນ UH-60M Black Hawk
ອີງຕາມການລາຍງານຂອງສຳນັກຂ່າວເຈນອ້າງຂໍ້ມູນຈາກການລາຍຂອງກອງທັບກຣົວຊີ ເປີດເຜີຍເມື່ອບໍ່ດົນມານີ້ວ່າ: ກຣົວຊີ ໄດ້ລົງນາມ
ສຳລັບການຈັດຊື້ເຮລີກົບແຕ ໃຊ້ງານທົ່ວໄປ ລຸ້ນ UH-60M Black Hawk ເພີ່ມຕື່ມຈຳນວນ 8 ລຳ ໜາຍຄວາມວ່າຖ້າຫາຊື້ມາເພີ່ມອີກຈະ
ເຮັດໃຫ້ຝູງບິນຂອງກຣົວຊີມີເຮລີກົບແຕລຸ້ນດັ່ງກ່າວລວມທັງໝົດເປັນ 12 ລຳ ໃນກອງທັບ. ຂໍ້ຕົກລົງດັ່ງກ່າວເກີດຂຶ້ນຫຼັງຈາກສາມອາທິດທີ່ກອງ
ທັບສະຫະລັດອາເມຣິກາໄດ້ອະນຸມັດການສັ່ງຊື້ເຮລີກົບແຕ ທົ່ວໄປລຸ້ນ UH-60M Black Hawk ໃຫ້ແກ່ກອງທັບກຣົວຊີໃນວັນທີ 26 ມັງ
ກອນ 2024. ໂດຍໃນການອະນຸມັດກ່ອນໜ້ານີ້, ສຳນັກງານຄວາມໝັ້ນຄົງດ້ານປ້ອງກັນຊາດຂອງສະຫະລັດອາເມຣິກາລະບຸວ່າ, ການສະເໜີຊື້
ເຮລີກົບແຕຄັ້ງດັ່ງກ່າວລວມມູນຄ່າປະມານ 500 ລ້ານໂດລາສະຫະລັດ ໂດຍລວມທັງອຸປະກອນທີ່ກ່ຽວຂ້ອງ, ອາໄຫຼ່, ການເຝິກ ແລະ ການສະ
ໜັບສະໜູນທີ່ກ່ຽວຂ້ອງ. ສຳລັບການມອບຮັບເຮລີກົບແຕລຸ້ນດັ່ງກ່າວຈຳນວນ 4 ລຳ ທຳອິດ ແລະ ອີກ 8 ລຳ ຕໍ່ໄປຂອງກອງທັບອາກາດກຣົວຊີ
ແມ່ນຈະສາມາດນຳໃຊ້ໄດ້ຫຼາກຫຼາຍພາລະກິດເປັນຕົ້ນ: ການເຄື່ອນຍ້າຍກຳລັງພົນ, ການຮັກສາຄວາມປອດໄພ ແລະ ລາດຕະເວນຕາມເຂດຊາຍ
ແດນການຕໍ່ຕ້ານການກໍ່ການຮ້າຍ, ການຂົນສົ່ງອຸປະກອນທາງການແພດ, ການຄົ້ນຫາ ແລະ ກູ້ໄພ, ການສົ່ງກຳລັງເສີມ, ການເຄື່ອນຍ້າຍອຸປະກອນ
ດ້ານການຮົບ ແລະ ສະໜັບສະໜູນພາລະກິດການສູ້ຮົບ.
ແຫຼ່ງທີ່ມາ: ໜັງສືພິມກອງທັບ
ວັນທີ 27/03/2024